seriq ash





ئاق ئۇن بەش كىلوگرام، سوققان لازا ئازراق، تۇخۇم سەككىز دانە، ئاچچىقسۇ بىر كىلوگرام، پۇرچاق ئۇنى 140 گرام، سامساق ئۈچ باش، شولتا ئازراق، كۈدە 175 گرام، شاخار ئازراق، شېكەر رېڭى ئازراق، ئۇششاق بەسەي بىر يېرىم كىلوگرام، كۈنجۈت يېغى ئازراق، پالەك ياكى تەرخەمەك 500 رام، كۈنجۈت (زىما) 140 گرام

1 . تۇزنى كەمرەك قىلىپ خېمىر يۇغۇرۇپ، بىر سائەت تىندۇرغاندىن كېيىن، خېمىرنى تۇز، شولتا، شاخار بېرىپ يەنە ئىشلەيدۇ. 
2. پىشقان خېمىرنى ئۈچ بۆلەككە بۆلۈپ، ھەربىر بۆلەكنى ئۇزۇنچاق يوغان يۇمىلاقلاپ، بىر قېتىم ئوڭ، بىر قېتىم تەتۈر تولغاپ، توم - ئىنچىكىلىكى ئىنچىكە بارماقچە چىققۇدەك
تەكشى ھالەتتە كەلگەندە ئۈستىگە قۇرغۇن سېپىپ، ئىككى بېشىدىن تۇتۇپ يۈرەكلىك ھالدا سوزۇپ، بىر غۇلاچ بولغاندا ئوتتۇرىسىدىن قاتلاپ سوزۇپ، چاچتەك ئىنچىكە سوزۇلغىچە داۋاملاشتۇرۇپ، ئىككى بېشىدىكى توم خېمىرنى كېسىۋېتىپ، سوزۇلغان قىسمىنى قايناۋاتقان قازانغا سېلىپ بەش مىنۇت قاينىتىپ، پىشقاندىن كېيىن سۈزۈپ ئېلىپ
سوغۇق سۇدا ئىككى قېتىم چايقاپ ئېلىپ، كۈنجۈت يېغىدا ياغلاپ قويۇلىدۇ. 
3. قازانغا سۇ قۇيۇپ قاينىتىپ، توغرالغان يېسىۋىلەك (بەسەي) ياكى تۇرۇپنى سېلىپ قاينىتىپ، چىلىغان پۇرچاق ئۇنى، تۇز سېلىپ، تۇخۇمنى چېقىپ ئارىلاشتۇرۇپ، شېكەر رېڭى، پالەك سېلىپ قويۇق پىششىق شورپا تەييارلىنىدۇ. 
4. سوققان لازا، ئۇششاق چانالغان سامساقنى قىزىق ياغقا سېلىپ قورۇپ، ئازراق ئاچچىقسۇ ئارىلاشتۇرۇپ، سۇيۇق ياغ لازا تەييارلىنىدۇ. كۈنجۈت بوتقىسى سوغۇق سۇدا سۇيۇلدۇر
ۇلىدۇ. كۈدىنى قايناق سۇغا بېسىپ ئېلىپ قىسقا - قىسقا توغرىلىنىدۇ. 
5. ئاشنى چوڭقۇر تەخسە ياكى چىنىگە ئېلىپ، ئۈستىگە پىششىق شورپا، ئاچچىقسۇ، ياغ لازا، كۈنجۈت بوتقىسى ۋە توغرالغان كۈدە سالسا بولىدۇ.

aq un besh kilogram, soqqan laza azraq, tuxum sekkiz dane, achchiqsu bir kilogram, purchaq uni 140 gram, samsaq üch bash, sholta azraq, küde 175 gram, shaxar azraq, shéker réngi azraq, ushshaq besey bir yérim kilogram, künjüt yéghi azraq, palek yaki terxemek 500 ram, künjüt (zima) 140 gram

1 . tuzni kemrek qilip xémir yughurup, bir sa'et tindurghandin kéyin, xémirni tuz, sholta, shaxar bérip yene ishleydu. 
2. pishqan xémirni üch bölekke bölüp, herbir bölekni uzunchaq yoghan yumilaqlap, bir qétim ong, bir qétim tetür tolghap, tom - inchikiliki inchike barmaqche chiqqudek
tekshi halette kelgende üstige qurghun sépip, ikki béshidin tutup yüreklik halda sozup, bir ghulach bolghanda otturisidin qatlap sozup, chachtek inchike sozulghiche dawamlashturup, ikki béshidiki tom xémirni késiwétip, sozulghan qismini qaynawatqan qazangha sélip besh minut qaynitip, pishqandin kéyin süzüp élip
soghuq suda ikki qétim chayqap élip, künjüt yéghida yaghlap qoyulidu. 
3. qazangha su quyup qaynitip, toghralghan yésiwilek (besey) yaki turupni sélip qaynitip, chilighan purchaq uni, tuz sélip, tuxumni chéqip arilashturup, shéker réngi, palek sélip qoyuq pishshiq shorpa teyyarlinidu. 
4. soqqan laza, ushshaq chanalghan samsaqni qiziq yaghqa sélip qorup, azraq achchiqsu arilashturup, suyuq yagh laza teyyarlinidu. künjüt botqisi soghuq suda suyuldur
ulidu. küdini qaynaq sugha bésip élip qisqa - qisqa toghrilinidu. 
5. ashni chongqur texse yaki chinige élip, üstige pishshiq shorpa, achchiqsu, yagh laza, künjüt botqisi we toghralghan küde salsa bolidu.

0 comments: