Qat-qat pishurush usuli

 

Lazimliq xuruchlar: 200gram (bir kichik chine) may, töt _besh dane tuxum, 300gram (bir yérim kichik chine) qum shéker, üch gramdek(kem bir bal qoshuq) soda, 150gram (kemrek bir kichik chine) süt (qoyulsimu, qoyulmisimu bolidu), bir yérim yaki ikki kichik chine un, bir yérim ikki kilogram süttin qaynitilghan iris, 200gram pichine teyyarlinidu.

Qat _ qat mikat yaki napalion depmu atilidu. Qat _ qat pishurush üchün alahide aq un, may (éritilgen qoruq may yaki sériq may), tuxum, qumshéker, süt, soda parashoki, qoyuq we éqip ketmeydighan halette qilip qaynitilghan iris, yüzige sépish üchün péchine uwiqi teyyarlinidu.

Xémir yughurush üchün, aldi bilen ölchem boyiche élinghan may dasqa sélinip obdan köptürülidu(köptürüsh usuli baqaliyningkige oxshash). Andin kéyin tuxum, qumshéker, soda parashoki sélinip yene obdan ileshtürüp köptürülidu. Axirida süt quyup, un sélip xémir yughurulidu. Xémir nahayiti bosh bolushi kérek. (Xémir qoshuq bilen yughurulup, lésqa qoshuq bilen sélinip, qoshuq bilen yéyitilip tekshilinidu).

Qat _ qatni pishurushta, pakiz tazilanghan lés obdan maylinidu (bezide népiz qeghez salsimu bolidu, eger qeghez sélinsa, xémirning lésqa chapliship qélip chiqmay qélishining aldini alighili bolidu). Teyyarlanghan xémir lés chongluqida tekshi üch _ töt parchigha bölünüp, her bir parche xémir ayrim _ ayrim halda lésqa sélinidu (bir lésqa töt _ besh qoshuq sélinsayaki ehwalgha qarap sélinsa bolidu) hemde bir _ birlep pishurulidu. Xémirlar piship bolghandin kéyin, bir parchisining üstige ikkinchi parche xémirni quyup, sel bésip qoyghandin kéyin uning üstige üchinchi parche xémirni qoyghandin kéyin uning üstige yene iris sürtülidu. Eng axirida üch qewet (yaki töt qewet) xémirning üstige qatmighan sürtülgen iris bashqa nersilerge yuqushup ketmeydu. Tutushqa we qoyushqa eplik bolidu. Buning bilen üch yaki töt qewetlik bir parche qat _ qat teyyarlanghan bolidu.

Qat _ qatning her bir parche xémiri bek qélin bolup ketmesliki, mumkinkeder népizrek bolushi kérek. Bek qélin bolup ketse arisigha sürtülgen iris tétimay qalidu. Qat _ qatning arisigha irisning köprek sürtülgini yaxshi. Bundaq bolghanda qat _ qatning qatlam _ qatlamlirigha irisning temi singip yumshaq bolidu.


Menbe Sirdashlar Munbiridin Ümid Yollanmisi