گۆشلۈك پولو
خۇرۇچى:
گۈرۈچ ئىككى يېرىم كىلوگرام،ئەبجەش ياغ 500گرام،زىرە مۇۋاپىق،گۆش بىر يېرىم كىلوگرام،سوققان قەلەمپۇر مۇۋاپىق،سەۋزە بىر يېرىم كىلوگرام،كاۋاۋىچىن مۇۋاپىق،پىياز بىر تال،تۇز مۇۋاپىق مىقداردا.
ئېتىش ئۇسۇلى:
1.گۈرۈچنى پاكىز تازىلاپ،سوغۇق ياكى ئىلمان سۇ بىلەن 3-4قېتىم يۇيۇپ،سەۋزە قەلەمچە،پىياز يالپاق،گۆش 140گرام چوڭلۇقتا توغرىلىدۇ.
2.قازانغا ياغنى قۇيۇپ ،قائىدىگە مۇۋاپىق ياخشى داغلىغاندىن كىيىن،گۆش سېلىنىدۇ.گۆش سەل قورۇلغاندىن كىيىن،پىيازنى سېلىپ گۆش بىلەن بىللە قورۇلىدۇ.پىياز سارغايغاندا سەۋزىنى سېلىپ ئازراق تۇز سېپىپ ئارىلاشتۇرۇپ يەنە قورۇلىدۇ.
3.سەۋزە قورۇلۇپ توق سېرىق رەڭگە كىرگەندە،زىرە،قەلەمپۇر سېلىپ سەۋزە بىلەن ئارىلاشتۇرۇپ بولغاندىن كىيىن،قايناق سۇ قۇيۇپ سۇس ئوتتا 50-60مىنۇت سىم‏-سىم قاينىتىلىدۇ.ئاندىن تۇز تەمىنى تەڭشەپ ،ئوتنى پەسەيتىپ ،يۇيۇپ تەييارلانغان گۈرۈچ سېلىنىدۇ.ئوچاقتا كۆيۈۋاتقان ئوت تارتىۋىتىلىپ چوغدا پىشۇرۇلىدۇ.

سۇ گۈرۈچ يۈزىدىن بىر سانتېمېتىر ئەتراپىدا كۆتۈرۈلۈپ تۇرۇشى ،گۈرۈچ. سېلىنغاندىن كىيىن قازان تەكشى قاينىتىلىشى لازىم.تەكشى قاينىمىسا پولو ئالا بولۇپ قالىدۇ.
4.گۈرۈچ سېلىشتىن بۇرۇن زىرۋەكنىڭ تۇز تەمىنى تەڭشىۋېلىش كېرەك.گۈرۈچ سېلىنىپ بولغاندا ،بولۇپمۇ گۈرۈچ سۇنى سۈمۈرۈپ بولغاندا تۇز تەمىنى تەڭشەش قىيىن .

ئاشنىڭ سۈيى تارتىلىپ بولغاندا،بىر نەچچە يېرىگە تاياق سانجىش كېرەك.بۇنداق قىلغاندا،گۈرۈچنىڭ يۈزىدىكى سۇ ئاستىغا چۈشۈپ قاينايدۇ.ئاستىدىكى ھور ئۈستىگە چىقىپ،گۈرۈچنىڭ ھەممە يېرىگە ھور تىگىپ ،گۈرۈچنىڭ پىشىشىغا ئىمكانىيەت تۇغۇلىدۇ.قازاننىڭ سۈيى ئاساسەن تۈگىگەندە ئاش دەملىنىدۇ.

ئاشنىڭ دەم يېيىش ۋاقتى گۈرۈچنىڭ مىقدارى ۋە سورتىغا باغلىق.ئادەتتە مۇشۇ ئۇسۇلدا ئەتكەندە 20-25مىنۇت دۈملەنسە بولىدۇ.ئاش دەم يىگەندىن كىيىن ،ئاشنى ياخشى ئۆرۈپ ئارىلاشتۇرۇش كېرەك.داستىخانغا پولو بىلەن بىللە سوغۇق قورۇمىلار كەلتۈرۈلسە تېخىمۇ ياخشى.

ئالاھىدىلىكى
بۇخىل پولو توي ۋە باشقا چوڭ مەرىكىلەر ئۈچۈن ۋە ئائىلىلىكلەر ئۈچۈن ئومۇملاشقان بىرخىل نورمال پولو تۈرى. پولو دېگەندە ئومۇمەن پولونىڭ مۇشۇ خىلدىكىسى نەزەردە تۇتىلىدۇ.بۇ پۇلونىڭ رەڭگى سېرىق،پارقىراق،مەززىلىك ،قاتتىق يۇمشاقلىقى مۇۋاپىق تەملىك بولىدۇ
.
göshlük polo
xuruchi:
gürüch ikki yérim kilogram,ebjesh yagh 500gram,zire muwapiq,gösh bir yérim kilogram,soqqan qelempur muwapiq,sewze bir yérim kilogram,kawawichin muwapiq,piyaz bir tal,tuz muwapiq miqdarda.
étish usuli:
1.gürüchni pakiz tazilap,soghuq yaki ilman su bilen 3-4qétim yuyup,sewze qelemche,piyaz yalpaq,gösh 140gram chongluqta toghrilidu.
2.qazangha yaghni quyup ,qa'idige muwapiq yaxshi daghlighandin kiyin,gösh sélinidu.gösh sel qorulghandin kiyin,piyazni sélip gösh bilen bille qorulidu.piyaz sarghayghanda sewzini sélip azraq tuz sépip arilashturup yene qorulidu.
3.sewze qorulup toq sériq rengge kirgende,zire,qelempur sélip sewze bilen arilashturup bolghandin kiyin,qaynaq su quyup sus otta 50-60minut sim‏-sim qaynitilidu.andin tuz temini tengshep ,otni peseytip ,yuyup teyyarlanghan gürüch sélinidu.ochaqta köyüwatqan ot tartiwitilip choghda pishurulidu.

su gürüch yüzidin bir santémétir etrapida kötürülüp turushi ,gürüch. sélinghandin kiyin qazan tekshi qaynitilishi lazim.tekshi qaynimisa polo ala bolup qalidu.
4.gürüch sélishtin burun zirwekning tuz temini tengshiwélish kérek.gürüch sélinip bolghanda ,bolupmu gürüch suni sümürüp bolghanda tuz temini tengshesh qiyin .

ashning süyi tartilip bolghanda,bir nechche yérige tayaq sanjish kérek.bundaq qilghanda,gürüchning yüzidiki su astigha chüshüp qaynaydu.astidiki hor üstige chiqip,gürüchning hemme yérige hor tigip ,gürüchning pishishigha imkaniyet tughulidu.qazanning süyi asasen tügigende ash demlinidu.

ashning dem yéyish waqti gürüchning miqdari we sortigha baghliq.adette mushu usulda etkende 20-25minut dümlense bolidu.ash dem yigendin kiyin ,ashni yaxshi örüp arilashturush kérek.dastixangha polo bilen bille soghuq qorumilar keltürülse téximu yaxshi.

alahidiliki
buxil polo toy we bashqa chong merikiler üchün we a'ililikler üchün omumlashqan birxil normal polo türi. polo dégende omumen poloning mushu xildikisi nezerde tutilidu.bu puloning renggi sériq,parqiraq,mezzilik ,qattiq yumshaqliqi muwapiq temlik bolidu.